ABNA24 – Ба гузориши ИРНА, Сергей Лавров, вазири умури хориҷаи Русия имрӯз - сешанбе дар конфронси матбуотии муштарак бо Анналена Бербок, вазири умури хориҷаи Олмон бо ишора ба ҳамкории густардаи Маскав бо Берлин дар бораи БарҶом ва музокироти Вена барои лағви таҳримҳо таъкид кард, ҳамкорӣ барои ҳаллу фасли масоили муртабит бо музокироти Эрон ва гуруҳи 4+1 дар пойтахти Австрия ва ҳусули тавофуқ дар раванди ин музокирот зарурӣ аст.
Музокироти лағви таҳримҳо дар Вена ин рӯзҳо дар ҳоле пайгирӣ мешавад, ки тимҳои музокиракунанда аз бисёре аз пронтезҳову мавориди ихтилофӣ убур кардаанд ва расидан ба як тавофуқи хуб ба тасмимоти хоси сиёсии Вашингтон дар бораи масоили боқимонда ва рафъи таҳримҳо бастагӣ дорад.
Лағви таҳримҳову ироаи тазминҳое, ки Эрон бар он таъкид дорад, ду мавзуи муҳим дар раванди музокироти Вена аст.
Ҷозеп Боррел, масъули сиёсати хориҷии Иттиҳоди Аврупо шанбеи гузашта аз расидан ба як тавофуқи ҳастаӣ бо Эрон зарфи чанд ҳафтаи оянда ибрози хушбинӣ кард.
342/
